مأساة عايلة اماراتيه (في اول أيام عيد الفطر)

بسم الله الرحمن الرحيم

اليوم يايبتلكم قصة صجيه صايره هني عدنا في الامارات صارت في اول ايام عيد الفطر لعايلة اماراتيه تتكون من اب وام وثلاث اولاد ..
في اول أيام عيد الفطر المبارك قدر ربي ان تكون لهاي العايلة مأساة فضيعة ..

سمعوا القصة

:

الله يسلمكم سار الأبو السوق عسب اييب الكبش عسب يذبحه في البيت يوم وصل البيت ذبح الكبش في حوش البيت

جدام عياله الاثنين واحد عمره 5 سنوات لي هو اكبر واحد والثاني 3 سنوات لي هو المتوسط

المهم كان الابو يذبح الذبيحه وولده الكبير يطالعه .. يوم خلص الابو من الذباح شل الصينيه والسجين وحطهن في المطبخ وعياله الاثنين يتبعونه يوم طلع الابو
...
من المطبخ
سار الولد الكبير منهم وخذ السجين وجان يقول لأخوه تباني اسويلك مثل ما سوى ابويه بالكبش وحليله قال هيه شدراه المسجين قام ورقد على الارض
ونش اخوه وحط السجين على رقبته ونحره
وعقب دخل الابو المطبخ وجان يشوف المنظر البشع وولده ينزف وااايد
فما تحمل الابو وحليله وقام يصارخ عاد الولد الكبير خاف من ابوه لا يضربه وركض عسب ينخش عنه ورا الثلاجه
والمصيبه ان الكهربا مسكته ومات ....
عاد الابو ما عرف شو يسوي ويلس يصارخ سمعت الام صريخ الابو
وهي كانت تسبح ولدها الصغير لي عمره 40 يوم
ومن كثر ما خافت يوم سمعت الصوت تركت ولدها في البانيو
وسارت تركض تشوف شو صاير وكانت النتيجه موت عيالهم الثلاثه

.....

والله مأساة فضيعه عشان جي اطلب من الله أن يلهم هذي العايله الصبر والسلوان وانا لله وانا اليه لراجعون

انا لله وانا اليه راحعون

سبحانك ربي !!

الله يصبر اهلهم

... تسلمين على الموضوع ...
والله يطول في عمرج